سنی گؤزلَییرَم
بیر شعر گؤزلَییرم
تَزه بیر شعر
ایچیمدن آخیب گَله
بارماقلاریمدا جانلانا.
گؤزلَرین آچ
بو قاریشمیش عالمین
داغیلماسینا باخ.
عابدلر
داها هانسی درگاهه یالوارمانی بیلمیرلر.
من ایسه سنین،
آستاجا آخیب گلمه نی گؤزلَییره م.
هه
دونیا خرابه شامه دؤنوب
آما هه له ده
هرگون
ساده اینسانلارین گؤزلرینده گؤنش دؤغور،
یئل قیزلارین آویردلارین اللی ییر
دنیز، ماوی لیین دانمیر
بالا قاراجا بالیق اوشاقلیغیمدان دانیشیر
بالیق اودانی خنجرلیییر
و بیر اؤغلان ایلک اؤپوشون سئوگیلیسیندن آلیر...
نیگران اؤلما آراز
هه له ده بؤللی ایشیقلار قارانقوش داشینی باغرینا دؤیور...
اوچ گل،
یالین، چیپلاق
سووز سینه مه
سنی گؤزلَییرَم ای منیم اؤلومه قارشی دایاناجاغیم.
باشقا دونیانی چکَجَیَم
گؤزلَدیییم شعریله رنگلییَجَیَم...